بعد الحادثة التي شغلت رواد مواقع التواصل الإجتماعي بما يخص الشابة التي تعرضت للتحرش على يد طبيب مصري من داخل إحدى المستشفيات المشهورة.
وفضحت الإعلامية المصرية رضوى الشربيني الممرض من خلال نشرها مقطع فيديو عبر حسابها الخاص على موقع التواصل الإجتماعي وقالت: ""قبل يومين لقيت ناس كتير بتعملي إشارة على البوست بتاع بنت إسمها ياسمين، وياسمين كانت عندها مشكلة صحية أدت لإدخالها المستشفى، وهي دخلت المستشفى بتشخيص غلط، قالولها انتي كويسة اتكلي على الله ودا بعد ما عملت التحاليل اللازمة".
وأضافت الشربيني: "في دكتور كتر ألف خيره، بص على الإشاعات والتحاليل بتاعتها وطلبها تيجي تاني للمستشفى، دخلت المستشفى وكانت للأسف الشديد الزايدة عندها إنفجرت والدكتور عملها العملية، وبعد ما عملت العملية تفاجأت إنه الممرض إلي موجود راجل مش بنت، وطلب من المستشفى إنه تغير وتجيب ممرضة بنت، وللأسف المستشفى مسمعتش كلامها وماركزتش".
واستكملت ياسمين الحديث عن الإعلامية وقالت: " خلال اليومين إلي قعدتهم في المستشفى طلبت من الممرض إني أدخل الحمام، والممرض جابلي قطعة أقضي حاجتي فيها وهي مخصصة للذكور وليس للإناث وعبارة عن زجاجة، والممرض قام ورفع الغطا وقعد يركب القطعة وهو شاف جسمي، وأنا وافقت لأنه أقنعني لو معملتهاش ممكن أعملها على نفسي وهيصعب التغير عليا وعلى الجرح".
و تابعت: "اجت الممرضة على صوتي وأنا بعيط وبتوجع ولما كشفت عليا الممرضة قالتلي القطعة دي مش مخصصة للبنات، دي مخصصة للأولاد، والقطعة تعت البنات مش لازم الوحدة تكشف عن جسمها فيها، فطلبت التغيير، وقالوا معناش بديل".
وأكدت ياسمين أن الممرض كان قد خطط بإعطائها مخدر لكنها رفضت، بالإضافة إلى أنه كان قد طرد أصدقائها من المستشفى قائلة: "صحابي كانوا موجودين عشان يعملولي عيد ميلادي، والممرض فاجأنا وقال ممنوع حد يفضل موجود ولازم الكل يمشي، وكل صحباتي إضطروا يمشوا ويطلعوا من الغرفة ما عدا المرافقة إلي كانت معايا".
وأردفت رضوى الشربيني" الممرض دخل وقال لياسمين عايز أغير عالجرح رغم إنه الدكتور هو المسؤول عن حالتها وقال إنه غلط يتم التغيير عالجرح في الوقت دا تحديدًا نظرًا لحالتها، فالممرض دخل يغير مكان الجرح وهي مكانها أسفل البطن، وبعدها للأسف بدأ يتحرش بياسمين بعد طلبه من صاحبيتها إنها تروح برا الغرفة تجيب حاجة معينة علشان يبدأ بالتغيير عالجرح".
و أضافت الإعلامية المصرية: "ياسمين بلغت إدارة المستشفى وبعديها طلبت إنه ميدخلش الغرفة، وعملت محضر بحقه، وتم التحفظ على الممرض، وللأسف لم يتم إنصافها من قبل المحامي، وبالتالي الممرض مخدش حكم وطلع، ودلوقتي هو بقول إنه هيرفع عليها قضية تشهير".
